TopBottom


Pelabai sadei keme ade ba neak ulau biyoa ketawen, sukau keme sukau jang baso ne kulo baso jang jok kunei ninik puyang mena'o. sadei keme kulo kenliling tebo neak kideu kanen, becarai keme ade ba bekebun ngen besaweak. gen sadei keme ade ba sadei topos,gentai sapei tekadeak topos kerno mena'o nadeak ninik puyang ade pun kiyeu gen ne kiyau topos. Tando - tando kiyeu ne, dawen ngen pun ne warno mileak. Keme tun jang ade pegong pakei. pegong pakei o ade ba : Amen bkinyem mengulang, amen pesen senapai, amen ngutang ngasen amen suming menitip.

LOK BA UDI NAMEN TAI UJEN PANES PEMAIN BILAI, SENANG PESET PEMIN IDUP, ANGIN NGEN UMOK PEMBIN LAUT, LOK BA NAMEN TAI MENGINOI IDUP NGEN MENGINOI MATEI, LOK BA NAMEN TAI BIDUK KEMUDAI DUWAI, LOK BA NAMEN TAI LAI PASOK KUNDEI TIANG, LOK BA NAMEN TAI TAJAI BEKENEK, BIYOA MATAI TUUN, LOK BA NAMEN TAI TEMPOK BIYOA NEAK DULANG, LOK BA NAMEN TAI LENGAN TANGEN, JELAS PEMICANG, LOK BA NAMEN TAI TIDUA NEAK KASUA LISEAK, TIDUA NEAK KLAK POONG, LOK BA NAMEN SEBNEK BNEK MATAI MANDANG BNEK KUNDEI BAU MUSUNG. MEAK MECUT KUDO MENGACAP,MEAK SMILAI LAUT, MEAK KEMLICIK GEROMONG DUNG,MEAK KEMAIT PAING IMEU,MEAK BEPANEU LUWEA DALEN,MEAK BESULUAK TEKELAT TEI, MEAK BETANEM SOA TEMBANG BANIA,MEAK MUKUS TELAN NGEN DAWEN,MEAK MENGIKAK NGEN TIKUS MEM TUOA,MEAK UMEAK TIGING TEMTOK TIANG.-

Amen paneu lok kricas, amen tidua meak tidua bukei, amen miling lok su'uk,amen semapei pesen tun meak temameak kecek, amen tetanggo meak galok segungut...janyai menepat, lawen meak mesoa amen temau meak mlilai, kebaik tun meak mabis, amen betamu meak kemlicik bilik. Amen miling sletok ne,teguh pendirian...meak tempok bioa neak dulang,meak kmidek sukau dewek. Ibadat meak lupo, tep ninget pesen ninik puyang, amen senang neak negerai tun, meak lupo taneak kelaheran.
Petueak: .

Sukau Jang

Posted by www.tuntopos.com at
Share this post:
Ma.gnolia DiggIt! Del.icio.us Yahoo Furl Technorati Reddit

Jang cu’up, Jang Lebong ngen Jang Payang mena’o puset pemeriteak ne ade neak Tebo Lai, temuan ako “pat”, misalne “pat Ajai” ngen “jang pat petulai”. Amen ite kemeliak dio ade ba tando ite tun jang nyo bsebea neak lem Propinsi Kulau.

Sukau jang nyo sukau paling lai neak propinsi kulau. ayok sebut gen ne kabupaten, dau kulo sebut luyen, awei Renah Sekelawi, Pinang Belapis ngen Kutai Belek Tebo. Ayok ade ne pemeriteak awei ca’o uyo mena’o sukau jang matur hubungan antaro sesamo ade ca’o ne dewek amen lem tembo sebutne “Meduro Kelam.

Ca’o-ca’o tun jang muloi ba’es sesudo ade ne “Ajai”. Ajai o ade ba tun do nego nak sukau jang, ajai-ajai o nano tentep kunei basen kutai untuk matur sukau jang maso o.

Lem tembo sukau jang ade pat ajai, tobo o ade ba: AJAI BITANG mipin nak pinang belapis, AJAI SIANG mipin neak siang lekat, AJAI BAGELAN MATO mipin neak kutai belek tebo, AJAI MALANG mipin neak das tebing. Laher ne gen “lebong” ade ba kunei tato ca’o gen ne “Jang Pat Petulai”.

Jang Pat Petulai yo timoa neak maso nipin ajai – ajai pat o nano, sudo o teko ba pat bikau kundei jawai. Amen ite temurut Cerito ne bikau yo nano neluak rajo majopahit, karno asal ne kundei majo pahit mako tenulok tun jang karno saben meak neak taneak jang nyo nea ne ijai jajahan majopahit sudo’o tenameak kulo semetor upeti, tenameak igai saben tun jang meak nekuak ne temerap baso jawai.

Kerno pat bikau yo nano tun ne pacok mako coa si demulai ige awei cao tun jang yo nano, malahan cao ne ngen tun jang baik, reneak dirai do kulo coa ombong. Pat bikau yo nano sebea ne pat akea tun jang de ade maso o. kerno sipet ne baik mako pat bikau yo nano berasea mok atei tun jang malahan pat bikau yo naket tun jang neluak mipin neak penan tun jang sado de besebea neak pat akea o nano. Moloi kundei o ba mako paham jang pat petulai yo timoa.

Petulai yo kulo ade ba ca’o kekerabatan sukau jang, ngen sebut luyen petulai yo ade ba tiang sukau jang. Jang pat petulai pacok te mtai ijai pat tiang do smatu sukau jang do tesebea nak kakae luyen.

Tun jang uyo tesebea nak kulau, muloi kunei lebong, merigi, dan cuup ngen kakea luyen. Nak kabupaten Rejang Lebong o ade kulo sukau jang nak kota padang, padang ulak tanding ngen sindang kelingi.

Tun jang kulo basea menea kerajaan titik do biaso sebut ne kerajaan sungai lebong. Kerajaan yo ade kekiro abad 14, aper sepok ngen kerajaan majapahit nak jawai. Puset ne nak cuup.

Cuup yo sepet tenem sewaktau Rejang Lebong nlei blando status afdeling ngen tmunjuk kepahiang ijai ibu kota ne.

MOKASIAK KILEAK,, MOT SAMBUNG NE IGAIA

Tukang Tulis; Sugian Tuntopos

Label:

0 komentar:

Posting Komentar