TopBottom


Pelabai sadei keme ade ba neak ulau biyoa ketawen, sukau keme sukau jang baso ne kulo baso jang jok kunei ninik puyang mena'o. sadei keme kulo kenliling tebo neak kideu kanen, becarai keme ade ba bekebun ngen besaweak. gen sadei keme ade ba sadei topos,gentai sapei tekadeak topos kerno mena'o nadeak ninik puyang ade pun kiyeu gen ne kiyau topos. Tando - tando kiyeu ne, dawen ngen pun ne warno mileak. Keme tun jang ade pegong pakei. pegong pakei o ade ba : Amen bkinyem mengulang, amen pesen senapai, amen ngutang ngasen amen suming menitip.

LOK BA UDI NAMEN TAI UJEN PANES PEMAIN BILAI, SENANG PESET PEMIN IDUP, ANGIN NGEN UMOK PEMBIN LAUT, LOK BA NAMEN TAI MENGINOI IDUP NGEN MENGINOI MATEI, LOK BA NAMEN TAI BIDUK KEMUDAI DUWAI, LOK BA NAMEN TAI LAI PASOK KUNDEI TIANG, LOK BA NAMEN TAI TAJAI BEKENEK, BIYOA MATAI TUUN, LOK BA NAMEN TAI TEMPOK BIYOA NEAK DULANG, LOK BA NAMEN TAI LENGAN TANGEN, JELAS PEMICANG, LOK BA NAMEN TAI TIDUA NEAK KASUA LISEAK, TIDUA NEAK KLAK POONG, LOK BA NAMEN SEBNEK BNEK MATAI MANDANG BNEK KUNDEI BAU MUSUNG. MEAK MECUT KUDO MENGACAP,MEAK SMILAI LAUT, MEAK KEMLICIK GEROMONG DUNG,MEAK KEMAIT PAING IMEU,MEAK BEPANEU LUWEA DALEN,MEAK BESULUAK TEKELAT TEI, MEAK BETANEM SOA TEMBANG BANIA,MEAK MUKUS TELAN NGEN DAWEN,MEAK MENGIKAK NGEN TIKUS MEM TUOA,MEAK UMEAK TIGING TEMTOK TIANG.-

Amen paneu lok kricas, amen tidua meak tidua bukei, amen miling lok su'uk,amen semapei pesen tun meak temameak kecek, amen tetanggo meak galok segungut...janyai menepat, lawen meak mesoa amen temau meak mlilai, kebaik tun meak mabis, amen betamu meak kemlicik bilik. Amen miling sletok ne,teguh pendirian...meak tempok bioa neak dulang,meak kmidek sukau dewek. Ibadat meak lupo, tep ninget pesen ninik puyang, amen senang neak negerai tun, meak lupo taneak kelaheran.
Petueak: .

Semuluak Asen

Posted by www.tuntopos.com at
Share this post:
Ma.gnolia DiggIt! Del.icio.us Yahoo Furl Technorati Reddit

Lem adat jang mengasen adeba cao kunei keluargo semanei magea keakpeak keluargo selawei. Ayok tun tuai keakpeak semanei lok masen moi keluargo keakpeak selawei mako antaro keduai anok kunei keluargo masing masing (bujang ngen semulen) bi ade dute janyai ne beduai, sudo’o mako tuan tuai keakpeak semanei masen anok semulen keakpeak selawei.

Pertamo keluargo keakpeak semanei madeak magea kwa’ai keakpeak selawei bahwa anok semulen keakpeak selawei ade megong barang kunei anok keakpeak semanei sudo’o baru kwa’ai keakpeak selawei temanye magea anok semulen ne, ade nien jano coa si megong barang kunei anok keakpeak semanei. Amen anok ne madeak ade megong barang mako tun tuai ne temanye kulo jano barang de nelei kunei anok keakpeak keluargo semanei. Biaso ne amen meneak’o barang ne berupo kain panyang. amen semuluak asen nyo bisudo sudo o bi sepakat mako keduai keluargo yo nano, baik keakpeak keluargo semanei io kulo keakpeak keluargo selawei basen tengen kekiro keakpeak semanei semusul asen.

.............

Label:

0 komentar:

Posting Komentar